Patagna Ko i?

iDol! gusto ba nimong mahibaluan ang imong Kapalaran karong
bulana? Kini giya lamang mga idol, timan-e! nga gikinahanglan ug
kakugi, pagpaningkamot, pag-ampo plus swerte equals imong
kalampusan. Ug ania na ang mo giya kanimo idol…

iFM CDO Horoscope (May 08, 2019 – WEDNESDAY)

ARIES – Naghinam-hinam ka karon nga modawat sa mga butang
nga wala nimo dawata kaniadto kay walay pulos. Minus ang
imong pagtuo sa imong nahimong desesyon bisan pa man sa
imong mga pagpaningkamot. Kinahanglan nimo karon nga
abrehan ang imong huna-huna para masabtan ug bag-o nimo
usabon na usab ang imong desesyon.


TAURUS – Kung wa pa ka kahibalo sa mamahimong resulta sa
pagtinabangay karon, suwayi kini. Sa imong mga naagian nga
kalisdanan sa una nga ikaw ra, dinhi karon masorpresa ka. Mao
kini ang imong mahibaloan sa umaabot nga panahon ug
mamahimong magamit nimo kini nga gahum kay mituo ka sa
pulong nga ‘Magtinabangay”.

GEMINI – Bisan pa man ug kahibalo ka na sa usa ka butang ayaw
kini ug ibaliwa lang. Kini nga kahibalo kinahanglan nimong
bitbiton kay dako kinig matabang kanimo sa mga sitwasyon nga
susama ra ang hinungdan. Positibong panghuna-huna maoy
gamita para usab ang resulta mamahimong positibo pud.

CANCER – Mas gisunod nimo ang imong gustong mahitabo kaysa
modawat ug tabang gikan sa uban kabahin na sa usa ka trabaho
nga nanginahanglan ug paspas nga panahon. Nanginahanglan
ka ug paspas nga panahon sa pagsulbad niini nga sitwasyon
apan dili makatabang ang imong pagkatanranta. Busa kinhanglan
nga kalma ka sa pagsulbad niining butanga.

LEO – Kasagara bation nato nga mopahilayo sa mga tawo nga
wala mitabang ug mituo kanato. Kanang nagtuo kita nga
magmalampuson ang atong mga damgo ug gusto sa kinabuhi ug
usahay buhaton nato kini nga maginusara na lang. Apan,
kinahanglan nga tunlon nimo ang imong garbo ug mamahimong
mangayo pud ug tabang sa uban.

VIRGO – Ug unta aduna kitay mga kampana sa atong
kinahahiladman nga motingog kung kinahanglan ba nga mohatag
ug panahon ug mokayud ba sa usa ka butang nga dili man diay
angayan. Kay usahay adunay mga problema nga kinahanglan
atimanon ug usab adunay mga problema nga mosulbad ra sa
iyang kaugalingon. Apan, pasensya ra gihapon ang
gikinahanglan para sa mga ingon niini nga sitwasyon sa kinabuhi.

LIBRA – Imong hunahunaon sa makadaghan kung kinsa ang
imong kinahanglang tabangan ug ang dili nimo kinahanglan.
Mabaguhan ka niini nga sitwasyon apan hunahunaa nga kining
mga butanga ba makapaaghat kanimo ug makalipay. Sa panahon
kung sigurado ka na sa imong desesyon, pasagdi na ang dili na
nimo kinahanglan, apan timan-e nga lisod kini nga pamaagi.

SCORPIO – Ang kaayo makita nimo sa bisan unsa pa man nga
klase sa sitawsyon. Aduna kitay mga rason nga motuo nga ang
ubang tawo dautan apan, sa sulod sa usa ka tawo adunay maayo
nga gawi nga atong makita ug nanginahanglan usab sila sa
atoang paghigugma. Usaba ang imong panglantaw sa usa ka
tawo sa imong mga makita lamang sa iyang itsura.

SAGITTARIUS – Ang kalaboan sa imong nahimo karon
mamahimong mohunong ug mababagan tungod sa imong
nahimo kaniadto. Sulbara ang nahitabo kaniadto para dili nimo
bation ang pagkadismaya ug makalukso kana sa imong
gipadulngan. Tan-awa lang kung anaa ka na ba sa saktong dalan
ug ang imong mga panglantaw usab nga mahimong magpositibo.

CAPRICORN – Hunahunaa nga kining mga karater sa salida nibati
pud ug kahadlok bag-o nila masinati ang kalampusan sa estorya.
Apan kinahanglan nimo nga pakgangon ang kahadlok ug
magmaisog sa umaabot nga saktong panahon. Murag aduna kini
koneksyon sa imong niagi ug namatikdan nimo murag mausab na
sad ang mga panghitabo. Atubanga ang imong mga gikahadlokan
kay mao kini muhatag kanimo ug kasiguruhan sa umaabot.

AQUARIUS – Sa pagpaningkamot maulian kita sa atong gibati nga
kalisod bisan pa man sa tabang nga gustong ihatag sa uban. Dili
kita maminaw sa uban nga nakahimo na niining butanga nga
atong gikugian karon sa paghuman. Apan kung adunay
motabang kanimo nga basi sa iyang kahibalo, dawata kini. Kay
matud pa kung gusto kang motabang andam usab ka nga
matabangan.

PISCES – Daghan ang mapasigarbuhon sa ilang abilidad nga
makapagestorya sa halos tanang klaseng tawo ug unsa pa ang
ilang estado sa kinabuhi.Kini nga mga klase sa tawo kahibalo sa
mga pamaagi kung unsaon ang pakiglambigit sa nagkalahi-lahi
nga klase sa tawo. Apan, dili na ni siya kinahanglanon pa, ang
importante, ang pagkamatinud-anon ug pagsalig kanila.

Source: proastro.com

Facebook Comments