CAUAYAN CITY – TINIYAK NG PAMUNUAN NG POLICE REGIONAL OFFICE 2 NA WALANG PALAKASANG MAGAGANAP SA RECRUITMENT PROCESS NG PNP PARA SA ATTRITION QOUTA NG PRO2.
ITO ANG SINIGURO NI POLICE BRIGADIER GENERAL ANTONIO P. MARALLAG JR., REGIONAL DIRECTOR NG POLICE REGIONAL OFFICE 2 (PRO2), SA MAHIGIT 1,300 APLIKANTE NG MULA SA IBA’T-IBANG LUGAR SA BUONG REHIYON.
BINIGYANG-DIIN NI PBGEN MARALLAG JR. NA HINDI KUKUNSINTIHIN NG PRO2 ANG ANUMANG URI NG SUHULAN, BAYARAN, O PAGGAMIT NG IMPLUWENSIYA SA PROSESO NG APLIKASYON. AYON SA KANYA, PAREHONG PANANAGUTIN ANG APLIKANTE AT SINUMANG PULIS NA MAPAPATUNAYANG LUMABAG SA GANITONG PATAKARAN ALINSUNOD SA BATAS.
HINIMOK DIN NG OPISYAL ANG MGA APLIKANTE NA MAGPAKITA NG MABUTING ASAL AT MAGING INSPIRASYON SA KANILANG KOMUNIDAD SA PAMAMAGITAN NG PAGKAKAROON NG DISIPLINA, KATAPATAN, AT PANANAMPALATAYA SA DIYOS.
MATATANDAANG BASE SA INILABAS NA RESOLUSYON NG NATIONAL POLICE COMMISSION, 150 SLOT ANG NAKALAAN PARA SA PRO2 RECRUITMENT KUNG SAAN NAKATAKDANG MAGSIMULA NGAYONG ARAW IKA-4 NG NOBYEMBRE ANG PHYSICAL AGILITY TEST (PAT) PARA SA 1,300 APLIKANTE SA CAGAYAN SPORTS COMPLEX.
