Hangyo karon sa provincial government sa Misamis Oriental nga patason ang himoong imbistigasyon sa mga palpak nga proyekto sa lalawigan.
Kini may kalabutan sa nahugnong covered court sa Linangkayan Elementary School sa lungsod sa Naawan.
Una nang gibutyag nga mga sub-standard ang materyales nga gigamit sa maong covered court nga maoy usa sa hinungdan sa pagkahugno niini.
Apan bisan kung sub-standard ang mga gamit sa maong covered court, wala matud pay angay ikabalaka ang provincial government tungod kay wala silay nabayad sa contractor bisan usa ka piso.
Gikuhaan pa niinig basi ang nahugnong covered court sa Alubijid apan hilom lamang ug walay kasikas ang kaatbang sa politika.
Gi-welcome usab sa gobernador ang tanang klase sa imbistigasyon uban ang hangyo nga dili himoong capital ang nahugnong covered court sa Naawan aron pagdaot sa iyang pangatungdanan.
