Patay ang duha ka mga suspek matapos suno pa nga nagbato sa mga polis sa ginpatigayon nga anti-illegal drug search operation subong nga aga sa duha ka mga barangay sa banwa sang Norala, South Cotabato.
Ginkilala ni P/Sr. Supt. Nestor Salcedo, Police Provincial Director sang South Cotabato PPO ang duha ka mga suspek nga subject sa search warrant implementation kanday Ryan Jamero Balcarcel sang Barangay San Miguel kag Melvin Saladero Montebon sa Brgy. Poblacion sa nasambit nga banwa.
Ginkumpirmar man ni P/Sr. Supt. Salcedo nga si Balcarcel ang yara sa listahan ni Presidente Rodrigo Duterte nga imbolbado sa illegal drug activities.
Samtang tigayon naman nga nakapalagyo ang isa pa ka subject sang drug operation.
Sa subong nagapadayon pa ang consolidation sang operatiba sa narekober nga iligal nga mga pagkabutang sa puluy-an sang mga suspek.
Nanguna naman sa nasambit nga drug operation ang Regional Police Drug Enforcement Unit (RPDEU) sang PNP 12 upod na ang Norala Municipal Police Station. photo credit to the owner
