Jamnindan, Capiz – Patay ang 36-anyos nga mister matapos ginlabo sang kaupdanan sini sa pag-inum alas 6:30 sang gab-i sa Brgy San Juan banwa sang Jamindan.
Nag-angkon sang madamo nga mga kapilasan tuga sang labo sa liog, dughan kag abaga ang biktima nga nakilala kay Jomin Nicolas y Agustino kabangdanan sang gilayon sini nga kamatayon.
Sa subong padayon nga at-large ang mga suspek nga ginkilala kanday Eric Valaqiuo kag Felimino Villeza matapos gilayon nagpalagyo sang mag-komiter ang krimen.
Suno sa imbestigasyon sang kapulisan sa Jamindan, nagapauli na ang tatlo matapos nga nag-inom sang nagluntad ang komprontasyon sa tunga sang mga ini.
Bangud sa kasingki sang baylohanay sang mga tinaga kag bangud sa kahulogbon, ginbulos-bulosan sang paglabo sang duha ka suspek ang biktima.
