PATAY GID | 49-anyos nga amay, nalumos-patay matapos nga ginsalbar ang anak sa baha sa banwa sang Dao!

16

Dao, Capiz – Patay ang 49 – anyos nga mister matapos ini ang nalumos samtang nagatabuk sa baha sa Poblacion Ilawod, Dao, Capiz.
Ginkilala ang biktima kay Larry Duron Magbanua, residente sang Barangay Bangonbangon, Sigma, Capiz samtang nakasalbar naman ang anak sini nga babaye nga ginkilala kay ‘Shiela’.
Suno sa impormasyon halin sa Dao MPS, sakay sa motorsiklo nagpadulong sa eskwelahan ang mga biktima agud nga magkuha sang module.
Ginsulong sang mga ini ang baha apang bangud sa kabaskugon sang sulog sang tubig, gindala ang mga ini sa kilid sang karsada kabangdanan sang ila pagkalumos.
Gintinguhaan nga salbaron sang amay ang anak sini apang sa malain nga palad, dalayon gid nga nalumos ang boktima nga si Larry Duron matapos nga gin-anud sang baha kag nakainum sang madamo nga tubig.
Gindala sa Senator Gerardo Roxas Memorial District Hospital sa banwa sang Dao ang biktima apang ini ang gindeklarar nga dead-on-arrival.

Facebook Comments