PATAY GID | Duha ka persona, patay sa separado nga vehicular accident sa banwa sang Ivisan kag President Roxas!

453

Roxas City, Capiz- Duha ka persona ang patay sa separado nga aksidente sa dalanon sa banwa sang Ivisan kag President Roxas.
Dead-on-arrival sang gindangat sa Bailan District Hospital sa banwa sang Pontevedra ang 15-anyos nga biktima nga ginkilala kay Jhon Arman Amador y Alvarez matapos ang bunggoanay sang motorsiklo sa Poblacion President Roxas.
Samtang yara na sa stable nga kondisyon kag ginabulong sa isa ka pribado nga ospital sa syudad sang Roxas ang nakabunggoan sini nga si Andy Bacalangco y Fuentes, 21-anyos sang Poblacion Pilar, Capiz.
Sa pihak nga bahin, patay gid ang 32-anyos nga si Ferdinand Quijano sang Sitio Pinamantawan, Mianay, Ivisan matapos nga aksidente nga nabunggo ang ginasakyan sini nga motorsiklo sa water pump sa Ilaya-Ivisan, Ivisan Capiz.
Nahibaloan nga halin sa Roxas City ang amu nga biktima kag posible nga wala sini makontrol ang manibela sang ginamaneho nga motorsiklo kabangdanan sang aksidente.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments