Kulang nga delivery sang kahoy ang ginapatihan motibo sa pag labu patay kaina sang kaagahon sa isa ka furniture owner sa Sitio Helonok, Barangay Cubay, San Enrique, Iloilo.
Pilas sa nagkalain lain nga parti sang kalawasan ang gin agum ni Eldiefonso Paclibar, 43-anyos sang Sitio Agutayan, Barangay Cubay, San Enrique, Iloilo nga nangin kabangdanan sang pag kapatay sini.
Gindali dali pa nga gindala sa Don Valerio District Hospital sa Passi City ang biktima apang gindeklarar nga patay sang attending doktor.
Base sa pahayag sang isa ka himata sang biktima, nagapati sila nga ang pag panukot sa delivery sang kahoy kag ang reklamo sini nga may deperensya ang gindeliver nga kahoy sa iya amo ang rason nga natabo ang krimen.
Padayon pa ang imbestigasyon sang San Enrique PNP sa identity sang suspek.
(C) Tita Jen Palomo Debaja
