PATAY GID | Isa ka persona ginluthang-patay samtang nagapauli halin sa bilasyon sa banwa sang President Roxas!

83

Roxas City, Capiz- Patay ang 51-anyos nga mister nga ginluthang samtang nagapauli halin sa bilasyon sa Brgy. Aranguel President Roxas kaina alas dos sang kaaganhon.

Patal nga pilas sa dulonggan lapos sa guya ang naangkon sang biktima nga si Jhon Noel Tiongco y Tolentino sang Poblacion President Roxas nga gindeklarar nga dead-on-arrival sa Bailan District Hospital.

Suno sa inisyal nga imbestigasyon sang mga kapulisan, ginbantayan ang biktima samtang ini ang nagalakat pauli kag ginluthang sang wala pa makilala nga suspek antes nagsakay sa nagahulat nga motorsiklo kag nagpalagyo.
Narekober sang mga otoridad ang baseyo nga ginapatihan iya sang .45 caliber pistol.

Subong padayon pa nga gina-establisar sang kapulisan ang motibo sang amu nga krimen.
photo © web photo

Facebook Comments