DUMALAG, CAPIZ – Patay gid ang walo ka tuig nga bata matapos ini ang naipit sang kariton sang truck nga nagakarga sang balas sa Sitio Mait, Brgy. Sto. Angel, Dumalag, Capiz ala 1:57 sang hapon.
Base sa imbestigasyon sang Dumalag PNP, nag-agi sa lugar ang salakyan nga ginamaneho ni Eufrecino Moreno y Berber, 46-anyos sang Brgy. Mianay, Sigma, Capiz sang gulpi nga nagtakbil ang biktima apang ini ang nahulog kag dimalas nga ginligis sang kariton sang amo ngatruck.
Gintinguhaan pa ini nga respondehan sang mga katapo sang MDRRMO-Dumalag, apang wala matabangan ang nasambitan nga biktima.
Ang biktima ang nag-angkon sang samad sa ulo, dughan, tuhod kag posible nga nabali ang paa.
photo © MDRRMO Dumalag
Facebook Comments
