Report ni: Tita Jen Palomo Debaja
Apisar nagpaandam na si Presidente Duterte nga i-pull out ukon i-ban totally ang mga Pinoy sa Kuwait kon indi masolbar ang sunod sunod nga pang abuso kag pagkamatay sang pila natun ka kauuturan sa nasambit nga nasyon, panibag o naman nga kaso sang pag pangastigo sa isa ka pinay ang natabu sang Enero 25 ,2018.
Ginkilala ang biktima kay Amy Capulong Santiago , 33 anyos sang Navy , Capaz Tarlac kg isa ka domestic helper sa Kuwait umpisa sang tuig 2015.
Basi sa balita nga nabalhag sa Arab Times , takna alas 10:15 sang Enero 25 sang gindala sa Farwaniya Hospital ang pinay sang iya amo nga lalaki apang gin pronounced dead on arrival sang mga doctor.
Sa pag pangusisa sang kapulisan, nadiskubre ang mga lagub sang biktima sa nag kalain lain nga parti sang lawas sini nga gina patihan ginkastigo sang iya mga employers kg gintunaan sang pagkapatay sini.
Insigida nga gin aresto ang iya amo nga lalaki kag boluntaryo man nga nagsungka sa Abdullah Al Mubarak Police station ang iya amo nga babaye.
Padayon pa ang imbistigasyon sa nasambit nga kaso samtang detained ang mga amo sini kag naga undergo sang psychiatric sessions.
Gina patihan may ara 250,000 Filipinos ang naga obra sa Kuwait nga may 158,000 sang mga ini ang household service workers. Padayon nga nagadamo ang mga distressed nga OFWs sa nasambit nga pungsod kg kalabanan sang mga naga dangop sa embahada amo ang naga palagyo sa mga abusado nga employers.
Gina bulubanta 500 Filipino workers ang biktima sang verbal, physical kg sexual abuse sa Kuwait.
Kuwait man ang may pinaka mataas nga kaso sang distressed nga mga workers kg yara karun sa POLO OWWA Shelter kg Kuwait Migrant Workers Shelter sa Middle East.
