President Roxas, Capiz – Patay ang 33-anyos nga persona matapos ini ang ginlabo sang mismo magulang pasado alas 8 sang gab-i sa Purok Uno, Barangay Manoling, President Roxas.
Ginkilala ang biktima kay Arden Placer y Baltar, residente sang nasambitan nga lugar.
Suno sa imbestigasyon sang mga kapulisan, hubog nga nagpadulong ang biktima sa tiyange sang 41-anyos nga magulang nga si Hardy Placer kag ginpahug ang gumangkon sini nga puya sang suspek.
Ginsulong sang biktima ang magulang apang ini ang ginlabu sang suspek gamit ang sanduko. Nag-angkon ini sang patal nga pilas sa iya likod kag liug kabangdanan sang gilayon nga kamatayon.
Yara na subong nakahunong sa karsel sang President Roxas PNP ang suspek matapos boluntaryo nga nagsurrender sa barangay officials bitbit ang sanduko nga gingamit sa krimen.
