Roxas City, Capiz – Patay ang isa ka traffic auxiliary matapos ini ang ginluthang pasado alas 12 sang tungang gab-i sa Brgy Dinginan Roxas City.
Ginkilala ang biktima kay Junjun Barredo y Deguira, 31- anyos ang pang-edaron kag residente sang nasambitan nga lugar kun sa diin ini ang nag-angkon sang duha ka patal nga pilas sa iya ulo.
Ginatudlo nga suspek ang persona nga nagahingalan kay Juvy Polao nga nagapuyo sa amu man nga lugar.
Basi inisyal nga imbestigasyon, ginbantayan sang suspek ang nasambitan nga biktima samtang ini ang nagapauli sa ila poluy-an kag ginluthang gamit ang wala pa matumod nga sahe sang pusil.
Sa subong padayon nga atlarge ang suspek matapos nga insigida nga nagpalagyo sang makomiter ang krimen samtang ginahibalo pa sang mga kapulisan ang motibo sang krimen.
Ginpatihan nga ang daan nga tema-tema ang isa sa mga kabangdanan sang pagluthang sang suspek sa biktima.
