Indi pag-ilubong ang nagsampay nga patay nga balyena sa isla Gigantes sa banwa sang Carles.
Ini ang ginpahayag ni Mayor Siegfred Betita sang Carles, Iloilo.
Suno kay Betita nga sa baylo ilubong, sementuhan na lamang ini nga naga-porma balyena.
Ginpahayag sang alkalde nga agud kon matunaw ang balyena, magapabilin ang semento nga porma balyena nga magaserbe nga handumanan sang pagkasampay sang balyena sa nasambit nga lugar kag magaserbe man nga dugang nga attraction sa isla Gigantes.
Samtang ginpaathag ni Mayor Betita nga posible nalumos ang nasambit nga balyena matapos ma-trap sang makasangit sa pondo sang sakayan sa manabaw nga portion sang isla kabangdanan nga ini ang napatay.
Facebook Comments
