TACLOBAN CITY – Duha nga patay nga lawas an nakit-an ha Brgy. Magsaysay Lope De Vega Northern Samar, dida han Sabado.
Basi ha report tikang ha Police Regional Office 8, ginkilala an mga ini nga hira Marvin Delos Santos, aka “Vin-vin”, 22 anyos, mayada live-in partner, usa nga construction worker ngan residente ha Brgy. Hamorawon, Calbayog City, Samar; Nakilal-an naman an usa pa pinaagi han facebook nga hi Arjay Delos Santos.
Pareho nga nakasul-ot hin black tshirt ngan shortpants an mga biktima. Pareho liwat nga may angkon hin magkadurudilain nga igo hin bala han pusil an duha nga biktima.
Nag-iimbistigar na an Lope De Vega PNP hini nga panhitabo.
Facebook Comments
