TACLOBAN CITY – Usa nga patay nga lawas han lalaki an nakit-an ha seashore han Tacloban City Astrodome kanina, alas 5:26 han aga.
Nakasul-ot hin red t-shirt ngan ground zero shorts nga may kulay nga black ngan gray.
Ha inisyal nga imbistigasyon han Tacloban PNP, usa nga concerned citizen an nagsumat ha security guard nga ginkilala nga hi Alfredo Abadanes nga mayada patay nga lawas ha kabaybayunan han Astrodome. Dayon nga tumawag ini nga security guard ha mga kapulisan.
Ha report han Tacloban PNP, mayada duha nga binun-an ha dughan an biktima rason han kamatay hini.
Waray pa ini pangilal-an ha pagka-yana.
Nagpapadayon an imbistigasyon han mga otoridad agud mabaruan kun ano an hinungdan ngan kun hin-o an nagpapaluyo hini nga krimen.
Facebook Comments
