TACLOBAN CITY – Nakilal-an na han mga otoridad an patay nga lawas han lalaki nga nakit-an dapit ha may Astrodome, alas 5:20 han kaagahon kakulop.
Ginkilala an patay nga lawas han lalaki nga hi Jonil Mar Elcisura, 24 anyos, usa nga Scrap Collector ngan residente ha Brgy. San Roque Tolosa, Leyte.
Nadakop gihap dayon han mga kapulisan an suspek nga hi Sebastian Tiston Canonigo alyas “Batik”, 35 anyos, usa nga dispatcher ngan residente gihapon ha Brgy. San Roque ha Tolosa.
Ha interview han RMN kan PCInsp. Rex Cantillep, Deputy City Director han Tacloban PNP, love triangle an nagawas ha ira imbistigasyon kun kayano ginpamumuno han suspek an biktima ngan ginhapil ha kabaybayunan han Astrodome.
“Nagkakamayada hira hin gugma ha usa nga babaye, love triangle o nagseselos amu ito an inisyal nga nagawas.”
Upod an witness han mao nga krimen, nagdumara hin operasyon an mga kapulisan kun diin nadakop an suspek ha Justice Romualdez St. han Tacloban.
Ha pagka-yana nagpapadayon pa an imbistigasyon han mga kapulisan kun kakan-o ginbuhat an suspek an krimen.
Murder naman an igpapasaka nga kaso kontra ha suspek.
