Patay nga lawas nga may mga igo hin bala han pusil, nakit-an ha Samar

TACLOBAN CITY – Nakit-an han mga otoridad an usa nga patay nga lawas ha Brgy. Madalunot, Pinabacdao, Samar kasangkulop han alas 6:50 han aga, February 6, 2019.

Subay han report tikang ha Police Regional Office 8, an patay nga lawas in nakasul-ot hin gray jacket ngan short stripe pants ngan may angkon ini hin magkadurudilain nga igo hin bala hin pusil ha iya lawas.

Sumala han informant nga waray na magpakilala para han iya seguridad, dida han February 4 alas 5:20 han aga han february 5, 2019, nakabati hiya hin mga buto hin pusil 200 meters an kahirayo ha iya.


Nakit-an niya an usa nga pick up vehicle ngan single nga motor nga tikang ha crime scene ngan naglalaksi pagpadalagan pahirayo ha insidente.

Ha pagka yana, waray pa pangilal-an an ginpatay nga biktima.

Nagpapadayon an imbistigasyon han mga otoridad han insidente.

Facebook Comments