Patay nga lawas sa duha ka NPA nga napatay sa engkwentro sa Tigbao gitunol na ngadto sa ilang pamilya

Tigbao, Zamboanga del Sur – Emosyonal nga gisugat sa iyang pamilya ang patay nga lawas sa 23-anyos nga ulitawo nga sakop sa rebeldeng New People’s Army kun NPA nga apil sa napatay sa engkwentro didto sa Barangay Guinlin sakop sa lungsod sa Tigbao ning probinsya sa Zamboanga del Sur kagahapon sa buntag.
Alas 5:30 sa hapon niabot sa munisipyo sa lungsod sa Tigbao ang patay nga lawas nila ni Alyas Nathan ug Jason Cordero alyas Tito nga taga-Dagatan, Guipos ning probinsya.
Nasayran nga nakalas ang duha ka rebelde dihang naglusad og enforcement operation ang mga engkwentro sa maong dapit aron pagsilbi og warrant of arrest apan gipaulanan sila og bala sa mga miyembro sa Main Regional Guerilla Unit (MRGU) ilalom sa Western Mindanao Regional Party Committee (WMRPC) hinungdan sa pagbalos ang tropa sa militar.
Ang panagsangka miresulta sa pagkamatay sa duha apil na sila si Alyas Nathan nga usa ka kanhing political instructor ug EXECOM member ug ni Alyas Tito. Si Alyas Nathan, aduna’y mga ‘outstanding’ warrant of arrest sa kasong paglapas sa RA 11479 (Anti-Terrorism Law), attempted murder ug arson.
Sa interview sa RMN-DXPR kang Merlyn Cordero inahan sa napatay nga si Alyas Tito halos unom katuig na nga wala makauli sa ilang pinuy-anan ang iyang anak human kining mitapon sa rebeldeng grupo niadtong tuig 2015.
Daghang higayon na usab nga ilang gi-agda nga motahan ni Tito apan wala kini mosanong sa kanila. Masulub-on ang inahan nga nga misud-ong sa patay nga lawas sa iyang anak ug nanawagan sa mga anaa pa sa walhong grupo nga mobalik na sa sabahan sa kagamhanan aron makabaton og maayong kaugmaon.
Dakpan sa maong engkwentro ang samaron nga si alyas Nanang nga usa ka kanhing vice political instructor ug EXECOM member sa nahugnong guerilla unit. Nadala kini sa usa ka military station hospital sa Labangan.
Samtang duha ka mga sibilyan ang gidala usab sa mga sundalo sa balay-tambalanan sa dinhi sa syudad sa Pagadian alang sa hinanaling medikasyon. Narekober sa encounter site ang usa ka M16 nga aduna’y kaubang M203 grenade launcher, usa (1) ka 9mm nga pistola, usa (1) ka kalibre .45, upat ka bala sa 40mm, upat (4) ka magazine sa M16 nga kargado og setenta y singko (75) bala ug mga materyales sa ilang propaganda.


Facebook Comments