Patay nga lawas sa usa kababaye, napalgan sa kahumayan

44

Mahayag, Zamboanga del Sur – Usa ka patay nga lawas sa babaye ang napalgan sa mga residente sa Purok 6, Barangay Boniao, Mahayag, Zamboanga del Sur kagahapon sa buntag.
Dihang nadawat ang taho, dali nga niresponde ang elemento sa kapulisan sa lungsod sa Mahayag og positibo nga giila ang biktima nga si Perla Maglinte Aplaca, 64 mag-uumaug lumulupyo sa Purok 3, Barangay Manguiles, Mahayag ning probinsya.
Sa inisyal nga imbestigasyon nasayran ang alas 5:00 sa hapon niadtong sabado,kauban pa sa biktima ang iyang anak nga si Jessie Aplaca ug ka-live-in partner nga si Miraflor diin didto sila sa balay ni Afredo Caliso aron sa pag-vedioke.
Sa impormasyon nga nahipos sa RMN DXPR, nag-inom ang biktima ug ang tag-iya sa tindahan apan 30 minutos ang nakalabay niabot si Loreto Panoy Aplaca ug Tammy Caliso Lomo,
Pagpatung sa alas 7:00 sa gabii niuna pag-uli ang kalive-in partner sa biktima uban ang anak niini samtang padayon nga nakigtagay ang biktima.
Dako ang kakugang ni Errol Majorenos nga samtang naglakaw siya sayo sa buntag kagahapon nibagbag sa iyang panan-aw ang patay nga lawas sa biktima.
Anaana karon sa Provincial Crime Laboratory Office, Camp Abelon, Pagadian City alang sa cross matching examination ang Maroon nga Jacket ug T-shirt nga dunay lama sa dugo nga posibleng gipnag-iyahan sa suspek.
Blangko pa ang kapulisan sa motibo sa pagpatay sa biktima.

Facebook Comments