Nailhan na ang usa ka patay’ng lawas nga napalgang nagkulub ug naglutaw sa subay sa P-6, brgy. Babag ning syudad sa Butuan, bandang alas 8:30 ang takna sa buntag kagahapon.
Sa impormasyon gikan sa Police Station2, giila ang biktima nga si Cesar Dumanon Sabuero, 34 anyos ug residenti sa Sitio Tinago, brgy. Agusan Pequeño ning syudad sa Butuan.
Sa inisyal nga imbistigasyon sa Scene of the Crime Operatives (SOCO), walay nakitang foul play sa kamatayon sa biktima ug gitoohang nga nalumos kini sa iyang pagtabok sa suba sa brgy. Babag.
Ulahing nakita ang biktima nga ubos sa ilimnong makahubog ug posibleng mitabok sa maong suba ug wala na makalangoy nga maoy hinungdan sa iyang kamatayon. Sa karon gipahiluna na sa Raniel Funeral Homes ang patay’ng lawas sa biktima.
Sent from my Samsung Galaxy smartphone.
