San Miguel, Zamboanga del Sur – Nisaka na sa unom ka katawo ang namatay sa nahitabong aksidente sa Purok 1, Limonan, San Miguel, Zamboanga del Sur alas 4:00 niadtong sabado sa hapon.
Dead on the spot ang usa ka dos anyos nga batang babaye lakip na ang mga kaubanan niini nga sila si JHON BRYNT ALOM ALBAÑO, 19 -anyos, BOBOY MAGALLANES CUESTA, 34-anyos, parehong residente sa Brgy. Burawin,Tabina niining probinsya.
Gibawian usab sa kinabuhi sa ospital ang laing tulo ka pasahero nga sila si patay Liza Berano, 40-anyos, Elezabeth Magallanes 48-anyos ug Reyan Salba, 20 anyos samtang laing 20 ka indibidwal ang gapa-alim ug nagpabilin karon sa balay tambalanan.
Sa imbestigasyon sa San Miguel PNP, samtang nagdagan ang sakyanan nga Isuzu Forward color Blue nga nagtangag sa plaka numero PIJ -151 gikan nitambong sa kasal sa lungsod Buug, Zamboanga Sibugay kalit nga nawad-an sa kontrol ang driver nga si Edgar Basillote gumikan sa kadanlog sa kalsada resulta sa pagbundak sa ulan hangtod nga natikalbong ang sakyanan ug miligid kalsada hangtud nga nihagsa sa gate sa simbahang iglesia ni Cristo.
Sa interview sa RMN Pagadian, nagkurog nga gisay-say sa nakasaksi nga si Anita Romagira, kalit nga nihagsa sa ilang tugkaran ang maong sakyanan ug nagpangamay ug nagpanawag pa og tabang ang mga sakay nga nalugpitan.
Nag-atubang sa kasong reckless imprudence resulting in multiple homicide and damage to property ang driver nga samaron usab.
