Pagadian City- Siyam ka tawo ang natalang patay sa Covid-19 sa probinsya base sa datos nga gipagula sa Integrated Provincial Health Office (IPHO)-Zamboanga del Sur kagahapon. Sa interview sa DXPR kang Dr. Anatalio Cagampang ang labaw sa IPHO sa probinsya namatay nga dunay Covid-19 ang ika-165 nga pasyente, usa ka 59-anyos nga babaye nga taga Purok 4, Brgy. Diut sa lungsod sa Ramon Magsaysay.
Nakasinati og sintomas ang pasyente sa covid niadtong oktobre 13 sama sa hilanat, ubo ug paglisod sa paginhawa busa gidala sa ospital.Gikuhaan usab og specimen swab diin nigawas ang resulta nga nagpostibo kini sa Covid-19.Pipila ka oras human nigawas ang resulta gikasubo nga nakabsan sa kinabuhi ang pasyente samtang naglusad na usab og makuti nga contact tracing ang health authorities aron ma-isolate ang mga gikasalamuha sa namatay nga pasyente.
