Pagadian City – Walo ka tawo ang natalang patay sa Covid-19 sa probinsya base sa datos nga gipagula sa Integrated Provincial Health Office (IPHO)-Zamboanga del Sur kagabii.Gitaho IPHO nga namatay nga dunay Covid-19 ang ika-156 nga pasyente nga 52-anyos nga babaye nga taga Purok Malipayon, Brgy. Pag-asa, Dumalinao, Zamboanga del Sur.
Una kining nakasinati og sintomas sa Covid -19 niadtong oktobre 9 gipailalom sa rapid test ang pasyente hangtud nga gikuhaan og swab test diin nigawas ang resulta kagabii apan namatay ang maong pasyente kagahapon sa buntag. Naglusad na usab og makuti nga contact tracing sa mga gikahimamat sa namatay nga pasyente.
Samtang subra na sa 60 ang aktibo nga kaso sa Covid-19 sa tibuok probinsya human nadugangan og 13 kagahapon base sa talaan sa (IPHO). Sukad niigo sa probinsya ang Covid-19 nitala na sa 159 na katawo ang nataptan sa virus, 89 niini ang nakarekober, walo ang namatay ug 62 ang kasamtangan nga gi-atiman sa nagkadaiyang pasilidad.
