Patay sa COVID- 19 sa Zamboanga del Sur duha na.

22

Pagadian City – Gibutyag sa Integrated Provincial Health Office (IPHO) Zamboanga del Sur nga duha na ang namatay sa Corona Virus disease (Covid-19) sa probinsya.
Sa abiso sa IPHO kagahapon, namatay ang 59-anyos nga lalaking pasyente nga Purok Rosas A, San Jose, Aurora, Zamboanga del Sur. Sa datos sa pasyente, wala kini history of travel sa mga lugar nga dunay COVID-19 transmission ug wala gani exposure sa mga pasyente nga nagpostibo sa virus.
Nasayran nga nadala kini sa pribado nga ospital niadtong miyerkules dihang kalit nga nakasinati og paghangus ug paglisod sa paginhawa ug nasuta sa X-rays nga adunay pneumonia ang pasyente hinungdan gipailalom sa swab test ug miguwang positibo ang resulta. Nakabsan sa gininhawa ang pasyente pipila ka minutos human migawas ang resulta sa Swab Test.
Nagpadayon sa contact tracing ang local health authorities sa probinsya aron ma-ila ug mapahimangnuan ang mga nakahalubilo sa namatay nga pasyente.

Facebook Comments