Davao City – Nanawagan karon ang San Pedro sa mga kabanay kansang nawad-an og sakop sa pamilya nga makig-alayon kanila alang sa posibleng pag-ila sa usa ka lalake kinsa naglutaw sa Davao River nga wala na’y kinabuhi ug nakaplagan sa residente sa Purok 8, Riverview, Barangay 19-B ning siyudad 10:00 sa buntag.
Gihulagway ni PO1 Julito Honor, imbestigador sa Presinto 2 ang biktima nga nagsuot lamang og pantalon, violet nga T-shirt, 5’4 ang gitas-on ug dunay pangidaron nga dili mu-ubos sa 30 anyos.
Suma ni Honor, ang patay’ng lawas sa biktima anaa karon sa punerarya ug hangtud karon wala pa’y mipatim-aw nga kabanay kun mga inbidbiwal sa ilang buhatan aron angkunon ang patay’ng lawas ani sanglit wala sa’y nakaila kaniya sa lugar kung asa nakita kini.
Segun sa pulis, usa ka Jade Beleta ang nakakaplag sa patay’ng lawas sa nasangpit nga lalake nga naglutaw sa Davao River maong dali kini mikoordinar kanila.
Dili pa masuta kung duna ba’y foul play o wala ang kamatayon sa biktima o dili ba kaha nalumos kini sa Davao River ug naanod lang sa dapit.
RadyoMaN Joel Viray
