Davao City – Usa ka patay’ng lawas ang nakaplagan sa Malbar Barangay 7-A ning siyudad bandang alas 8 sa kabuntagon kagahapon adlawa.
Ang lalaking giila nga mao si Eldie Lauron Marpa, 30 anyos, usa ka helper sa labasero og isda nga taga Mati Davao Oriental.
Sumala pa sa amo sa biktima nga si Darwin Bustria Vicencio nga ang among helper ulahing nakit-an sa ilang bunkhouse niadtong adlawng Sabado.
Apan sa pagpukaw ni Vicencio sa iyang helper nasayran nga nagbuy od na lang kini sa iyang gihigdaan nga wala na kini kinabuhi.
Sa pagresponde sa Central 911 ug sa ilang inisyal nga imbestigasyon nasayran nga gi urom kun giataki sa kasing kasing ang maong lalaki hinungdan sa kamatayon niini.
Hinoon wala man usab nakita nga foul play gikan sa patayng lawas sa biktima.
Ang patayng lawas niini anaa na sa Angel Funeral Homes.
RadyoMaN Paul Canono
