Dali nga miresponde ang kapulisan sa Labason human nakadawat ug taho nga matod pa adunay patayng lawas ang nakita partikular mente didto sa baybayon sa Sitio Tubak, brgy. Kipit sa maong lungsod.
Una nga gikataho nga mipatala sa kapulisan ang asawa niini nga si Elsa Gomez tungod kay wala na kini nakauli sa ilang panimalay.
Naila kini nga si William Gulani Gomez, 57 anyos, usa ka panday . ang miresponde nga kapulisan sa pagpangulo na usab ni SPO4 Henry A. Pescadero didto nila nakuha ang patayng lawas sa baybayon sa maong brgy.
Base sa testimonya sa pamilya lakip na sa naka saksi nga ulahi kining nakita niadtong Nov. 8, 2017, nga misulay kini sa paglabang sa suba didto sa Sitio Abuno, brgy. Patawag, lungsod sa Labason.
Bisan paman kusog ang bul-og sa tubig sa maong suba misulay gihapon sa pagtabok, makadaghan usab nga higayon ge saway ang biktima nga dili nalang mo tabok,
Matod pa sa nakasaksi, wala siya paminawa sa biktima, dugang pa, ang biktima adunay kini epilepsy ug adunay dili maayong panghuna-huna, butyag pa sa iyang asawa.
Ang kapulisan sa maong lungsod walay nakita nga foul play sa kamatayon sa biktima.
