Davao City – Nakaplagang wala nay kinabuhi ang usa ka lalaki alas 5:30 sa kadlawun niadtong Mayo 28 sa Purok 3, Millenium San Pedro, Bunawan, Davao City.
Sa report gikan sa Police Regional Office kun PRO XI, nailhan ang biktima nga si Albert Undayayoy, 32 anyos, foreman ug residente sa Samal, Davao del Norte.
Subay sa imbestigasyon sa kapulisan, nakit-an sa usa ka Joel Hinunsalao ang patayng lawas nga naligo sa iyang kaugalingong dugo ug adunay samad dinunggaban sa lawas.
Matud pa nga ulahing nakita ang biktima niadtong Mayo 27 alas 10 sa gabii nga nag inom uban ang iyang igsuon, kauban sa trabaho ug tag-iya sa Inday Melodina Videoke House.
Sa karon padayon pang naglusad og follow-up investigation ang kapulisan kalabotan sa maong insidente.
RadyoMaN Renz Barbarona
