Davao City – Nakaplagan ang usa ka patayng lawas sa Purok 22, Sitio Malamboon, Ecoland, Davao City niadtong Mayo 18 ning tuiga, adlawng Biyernes.
Sa report gikan sa Police Regional Office kun PRO XI, bandang alas 7:10 sa buntag, mitawag ang Central 911 sa Talomo PNP aron i-report nga adunayng patayng lawas nga nakit-an sa nasangpit nga lugar.
Dali kining giadtuan sa otoridad ug base sa inisyal nga imbestigasyon, alas 6 sa buntag sa maong petsa nakita sa usa ka Brgy. Tanod nga giilang si Ricky Mandel ang maong patayng lawas nga adunay gitas-on nga 5’2, tama-tama ang kadak-on, nakasuot og Dickies polo, blue cargo pants ug nike rubber shoes nga naglutaw-lutaw sa dagat.
Hinuon walay nakitang foul play ang otoridad sa nakaplagang patayng lawas.
Niadtong tungura, daling gidala ang biktima sa Collado Funeral Parlor, Bangkal, ning syudad.
RadyoMaN Renz Barbarona
