Davao City – Nakaplagan ang usa ka patay’ng lawas sa may canal nga bahin sa Crossing Ompao, Brgy Tagabakid, Mati City, Davao Oriental Province.
Sa inisyal nga imbestigasyon sa mga awtoridad, migula nga ang biktima mao si Epimethius Madanlo Jr., alyas Benjie, 52 anyos, miyembro sa KABAYAN, ug residente sa Prk. Makabipa, NHA, Brgy Dahican, Mati City. Kinsa nakahiagom og pipila ka samad-pinusilan sa nagkadalaing parte sa lawas niini.
Sumala sa mga residente duol sa crime scene, nakadungog sila matud pa og pipila ka buto sa armas alas 8:30 sa kagabhion niadtong Hunyo 23, 2018 nga gisundan sa tingog sa motorsiklo nga nag-andar palakaw sa maong insidente.
Kasamtangang gidala na sa Padilla Funeral Home, Mati City, ang patay’ng lawas sa biktima alang sa tukmang disposition.
RadyoMaN Jason Amisola
