*Manukan*- Dali nga miresponde ang kapulisan sa Manukan uban sa Municipal health Officer sa maong lungsod human naka dawat ug taho nga matod pa adunay patayng lawas sa lalaki ang nakaplagan didto sa Sitio Tigbakan, brgy. Libuton, lungsod sa Manukan ning atong probinsya.
Nakita kini mg alas 2:00AM niadtong adlawng martes, sulod mismo sa langub sa maong lungsod.
Sa pag responde sa mga tinugyanan sa balaod maong lungsod naila ang maong biktima nga si Vicente Villarin Cabalida, 42 anyos, usa ka mag-uuma ug nagpuyo sa nahisgutan nga lugar.
Sa pag imbibtiga sa kapulisan ulahi kining nakita nga nag inusarang nagbaklay sa brgy. Road sa Libuton mg alas 5:00Pm niadtong petsa 31, 2017.
Gituohan kining lango sa ilimnong makahubog , matod pa, samtang pauli kini sa ilang pinuy-anan sa Sitio Tigbakan, paghidangat niya sa lugar nahitaboan, aksidente kining nahulog sa langub nga adunay gilawmon nga mo kapin 10ft nga mao’y hinungdan sa iyang kamatayon.
Gikabutyag pa sa miresponde nga wala’y foul play, samtang ang patayng lawas sa biktima anaa na kini ge turn over sa iyang mga kabanay.
