Davao City – Nailhan na ang patay’ng lawas sa usa ka lalaking napalgan sa baybayon sa Brgy. Duterte, Agdao niadtong Septembre 20, 2023, alas 6:50 sa buntag. Giila kini nga si Celso Maglacion Jr., taga Purok 12, Lower Liloan, Mahayag, Bunawan, Davao City.
Sa interview sa DXDC RMN Davao kang Carlyn Maglacion, bayaw sa biktima, nawala ang biktima niadtong September 16, 2023 sa Southern Philippines Medical Center (SPMC) aron ipa x-ray kay adunay gihambing balatian ug deperensya sa pangisip, apan nakasibat niadtong tungora.
Segun ni Maglacion, subay sa imbestigasyon sa Sta. Ana Police Station, walay foul play nga nakita sa hinungdan sa kamatayon sa biktima.
Kagahapong adlawa September 21, 2023, gikuha na sa tagtungod ang patay’ng lawas sa biktima ug gidala sa ilang pinuy-anan sa Bunawan, Davao City.
RadyoMaN Don Pulayao
Facebook Comments
