Napalgan ang patayng lawas sa Purok 7, Brgy. Gatas, lungsod sa Kalawit alas 8:30AM niadtong nakalabayng adlaw.
Nasayran nga ang biktima mao si Jenny Motong Tulawa, 43 anyos, bulag sa Bana, nagpuyo sa maong lugar, positibo usab kining giila sa iyang anang nga lalaki.
Ang biktima nakaangkon kini ug grabeng samad dinunggaban sa nagkadaiyang parte sa lawas. May samad usab kini sa iyang liog nga maoy hinungdan sa wala niya damhang kamatayon.
Nakuha sa lugar nahitaboan ang pala, tagad, ug usa ka cellphone nga iya sa biktima.
Dugang pa sa imbistigasyon mga alas 2:00PM niadtong nov. 20, 2017, saw ala pa nahitabo ang maong insidente ang biktima uban nila ni Agustino Fernandez ug Geno Tulawa Gubat, nag inom kini sa tindahan nila ni Marilyn Cabales.
Ang biktima ug si Geno T. Gubat nagkalalis tungod sa yuta, sa wala madugay si Geno T. Gubat mipahawa sa maong tindahan. Samtang si Agustino Fernandez mipa uli kini sa ilang panimalay ug didto iyang nakita si Geno nga anaa ga lingkod sa libon nga bahin.
Gipangutana ni Agustino kung unsay iyang gibuhat, mitubag kini nga nagkanayon, “naghulat ko sa usa ka taw okay akong patyon”
Base na usab sa pamahayag sa anak sa biktima nga wala na kini naka uli sa ilang panimalay niadtong higayona ug didto nalang nila nakita pagka sunod adlaw nga wala na’y kinabuhi.
Ang kapulisan sa Kalawit nagbutyag nga usa sa adunay person of interest mao si Geno T. Gubat may kalabutan sa pagkamatay sa biktima.
