Sa impormasyon gikan sa Tagum City Police Station, gisaysay sa security guard sa usa ka plantasyon nga samtang siya nag-roving sa area, nakit-an niya ang patay’ng lawas sa lalaking nagbuy-od tapad sa iyahang motorsiklo nga XRM ug nabulit sa kaugalingong dugo.
Sa imbestigasyon, nasayrang taga Brgy. Dumlan, Maco, Davao De Oro ang biktima apan giila lang usa sa kapulisan nga ‘Alyas Strong’ samtang nagapadayon pa ang imbestigasyon.
Kauban sa tibuok pwersa sa Davao Norte Provincial Forensic Unit (DNPFU), daling naglusad og crime scene processing ug nakuha ang 4 ka basiyo sa bala.
Gituohang personal nga dumot ang hinungdan sa kamatayon sa biktima apan padayon pang ginapalawman sa otoridad ang pagpanubay aron makuha pa ang saktong detalye, laing anggulo ug motibo sa krimen.
Sa karon, padayong naga awhag ang Tagum City PNP nga kung adunay mamatikdang katingad-an o buot i-report nga krimen, mamahimong mukontak sa ilahang hotline number sa numerong 0919-748-5024.
RadyoMaN Ivy Parido
