Dipolog City – Patay nang napalgan ang usa ka hamtong nga lalaki sulod sa iyang gipuy-an sa may Quezon Ave, Brgy. Barra ning syudad sa Dipolog, particular kilid sa Barra Elementary School.
Giila ang biktima nga si Jacinto Anhag Cagas, 57 anyos, usa ka mangkoy ug residente sa maong dapit.
Sa report gikan sa Dipolog PNP pasado alas 10:45 kagahapon sa buntag, nagpatabang kanila ang pagumangkon sa biktima nga si Jessie Anhag human natibawan ang uyoan nga wala nay kinabuhi sulod sa gamay niining barungbarong.
Subay sa inisyal nga imbestigasyon ni SPO3 Edrin Aquino ug PO2 Dexter Labisig, uban ang taga Soco nasayran nga nag-inusara lang sa pagpuyo ang biktima sa iyang gamay’ng barungbarong nga niadtong higayuna wa na igkita nigawas.
Gitu-uhan sa igsuon nga si Jesus Anhag Cagas nga wala’y foul play ang pagkamatay niini og bugtong ang iyang gihambing sakit nga diabities ang hinungdan sa iyang kamatayon.
Sa gihimong postmortem examination ni Dr. Chu ngadto sa patay lawas sa biktima nasuta nga way nakitang samad niini ug way indication gibinuangan.
