Davao City – Padayong gi-imbestigahan sa Ecoland Police Station ang patay’ng lawas nga napalgan sa dike sa Coastal Road, Time Beach, Davao City, alas 5:00 sa buntag, adlawng Sabado, Marso 4,2023.
Sa interview sa DXDC RMN Davao kang Police Corporal Welton Sauro, imbestigador sa Ecoland PNP, naila ang biktima nga si Dennie Morante, 43 anyos, taga Surigao Del Sur.
Segun ni Sauro nga ang biktima nakasuot og pantalon nga color brown, naka t-shirt, jacket og color blue ug adunay gitas-on nga 5’3-5’5.
Gidugang ni Sauro, base sa inisyal nga imbestigasyon, walay nakakita sa maong insidente ug ginahulatan pa ang SOCO Team aron ipailawom sa awtopsiya ang patay’ng lawas sa biktima nga gidala na sa St.Peter Toril ning dakbayan.
Gipalawman usab ang imbestigasyon sa kapulisan aron masuta kun duna bay foul play ang maong insidente.
RadyoMaN Don Pulayao
Facebook Comments
