Davao City – Walay nakitang foul play ang kapulisan sa Ecoland Police Station subay sa gihimong inbestigasyon sa patay’ng lawas ni Jack Manlangit Albaracin, 42 anyos, human nakaplagan sulod sa iyang balay alas 10:30 niadtong gabii sa Oktobre 17, 2023 sa Purok Sea Side 2, Brgy. Matina Aplaya, Davao City.
Sa pakighinabi sa DXDC RMN Davao kang Police Captain Ronnie Batingal, Deputy Chief sa Ecoland Police Station gisulti niya, ang biktima ginaluom niya ang iyang mga problema sa pinansyal nga posibleng na depress kini.
“So far ingon nila nag suffer na og stress kay naa daw financial problem ingon sa iyang kaparyentihan dili sya tig share sa iyang problema”,sulti ni Batingal.
Dugang sa opisyal, nasabutan sa pamilya nga dili na ipailawom sa awtopsiya ang patay lawas sa biktima nga naa gidala sa Villa Funeral Homes Toril, dakbayan sa Davao.
RadyoMaN Don Pulayao
Facebook Comments
