GENERAL SANTOS CITY- Niabot na kadlawon sa adlawng Byernes (October 4, 2019) ang patayng lawas ni Cpl. Arden Sumpio sa 3rd Special Forces Battalion sa ilang lugar sa Purok 23, Sunrise Subdivision, Barangay Lagao aron didto kini ihaya sa iyang pamilya.
Mismo ang iyang amahan nagbutyag nga sa ilang kapilya sa ilang lugar ihaya ang patayng lawas sa iyang anak aron mabisita sa iyang mga kababata og silingan.
Naputos og bandila ang lungon ni Sumpio nga gihatod sakay sa 6×6 nga military truck.
Kahibaw-an nga nakabsan sa kinabuhi si Sumpio kauban ang laing duha nga silang 2Lt Maryjoy S. Salentes ug Cpl Eldryn T. Mendoza.
Nalambigit sa aksidente ang gisakyan nilang Toyota Fortuner ngadto sa usa ka Hyundai Starex van sa Prosperidad, Agusan del Sur.
Luwas na ang kahimtang sa lain nilang kauban nga sakay sa naaksidenteng sakyanan.
For more info’s and updates, like and share our official facebook account : www.facebook.com/ifm91.9Gensanofficial/
[image: patayng lawas ni Cpl. Arden Sumpio.jpg]
