Pagadian City – Nagbangutan ang pamilya ug taga-suporta niMayor Wilfredo Asoy Sr.,tungod sa pagpanaw niini alas 10:30 sa buntag kagahapong adlawa.
Sa interview sa RMN Pagadian,kang PO1 Asoy, gibutyag niya nga Cardiac Arrest ang gikamatyan sa iyang amahan.
Sumala pa nga ikatulo na atakeha ang 62-anyos nga mayor ug gidugang sa anak nga usa sa dakong factor ang pagkamatay sa mayor mao ang gibating kalipay human madawat ang Certificate of Finality gikan sa Court of Appeals sa Cagayan de Oro nga nagset-aside sa kaso nga kasamatangan niining giatubang.
Naabot na sa syudad sa Pagadian kaganihang kadlawon ang patay’ng lawas sa naasoy nga mayor ug gikatakdang hayaon sa ilang panimalay sa lungsod sa Dinas.
Kahinumduman nga si Mayor Asoy,nagsilbi usab isip boardmember sa ikaduhang distrito sa Zamboanga del Sur sulod sa tulo ka tuig.
