Davao City – Gitakdang ihaya sa Misamis Oriental, Cagayan de Oro (CDO) City ang patay’ng lawas ni Rhea Mae Tocmo, ang 19 anyos nga taga Panabo City, Davao del Norte nga gipatay sa Cebu City.
Sa interbyu sa DXDC RMN Davao kang Rochie Poblacion, igsoon sa biktima, nasabutan sa pamilya nga sa Misamis Oriental o sa lugar sa ilang inahan ipahiluna ang lawas ni Rhea tungod kay didto pud karon nagkatapok ang ilang pamilya ug kabanay.
“Ang haya sa akong manghud is sa Misamis Oriental. Didto namo sya ipahiluna. Gikan ko dira sa Panabo. Nagplano ‘mi nga magbakasyon lang unta ‘mi og one week sa Misamis kuyog sa akong papa. So, mao to, time pud nga gipatapok ‘mi niya tanan didto. Didto man pud gud ni natawo bataa sa Misamis Oriental,” matud ni Poblacion.
Sa pagkakaron, anaa pa sa Cebu City ang igsoon sa biktima uban ang ilang amahan sa pagproseso aron madala ang lawas ni Rhea sa CDO.
RadyoMaN Kirby Manzon
Facebook Comments
