Patay’ng lawas sa bag-ong anak nga batang babaye nakaplagan

Pagadian City -Napalgan sa usa ka tricycle driver ang patayng lawas sa usa ka bag-ong panganak nga batang babaye sa daplin sa kalsada sa Purok Duranta, Brgy. Bomba ning syudad sa Pagadian alas 9:00 ang takna kaganihang buntag.
Sa interview sa RMN DXPR Pagadian sa nakakaplag nga si Romulo Gultirno, samtang nagbyahe siya pauli sa iyang pinuy-anan nadani siya sa bag nga gibutang sa daplin sa kalsada, iya kining gikuha og gi-ablihan apan nakuratan kini dihang patay’ng lawas sa bata nga giputos sa panapton nga naligo sa dugo ang misugat sa iyang panan-aw.
Gilayong mireport ngadto sa mga opisyales sa Barangay ang nakakita aron ma-imbestigahan ug ma-aksyonan.
Sa pagkakaron blangko pa ang mga opisyal sa Barangay ug kapulisan kun si kinsa ang ginikanan nga responsable sa paglabay sa batang babaye.
Dako ang pagtoo sa mga residente sa lugar nga gikan sa ubang dapit ang inahan ug nilabay sa bata, kay wala matud pa silay nakit-ang mabdos sa ilang mga silingan.

Facebook Comments