Davao City – Nanawagan karon ang Bansalan PNP ngadto sa publiko nga nawad-an og membro sa pamilya nga muadto sa Brillantes Funeral Homes aron ilhon ang patay nga lawas sa usa ka lalaki kansang nakit-ang patay sa Brgy Marber, Bansalan Davao del Sur.
Sumala ni P/Maj. Rodante Varona, hepe sa Bansalan PNP nga wala mailhi ang biktima tungod kay wala pay mga tagtungod nga mi-claim sa patay nga lawas ingon man walay mga identification cards nga nakuha ang kapulisan.
Kahinumduman nga nakaplagan niadtong Domingo sa buntag, Agosto 25, ang patay nga lawas sa biktima nga gibinaklid paggapos ingon man giputos og panapton ang dagway samtang naka angkon og samad-pinusilan.
Gisulatan usab og carnapper ang senina sa biktima.
RadyoMaN Erin Lumosbog
Facebook Comments
