Davao City – Mi-coordinate na ang militar sa lokal nga panggamhanan sa Talaingod, Davao del Norte aron ma-claim sa pamilya ang patay’ng lawas sa duha (2) ka mga sakop sa Guerilla Front 55 New People’s Army (NPA) human napatay sa engkwentro sa Brgy. Saloy, Calinan District, dakbayan sa Davao.
Sa interbyu sa DXDC RMN Davao ni B/Gen. Nolasco Mempin, 1001st Raptor Brigade Commander, i-awtopsiya ang 2 ka patay’ng lawas sa rebelde.
Naila ang duha ka mga NPA nga sila Romel Tausan alyas Lohan nga adunay warrant of arrest ug patong sa ulo nga P500,000 samtang giila ang laing namatay nga si alyas Danny.
Matud kang Mempin, pinaagi sa mga kanhi rebelde nailhan ang duha ka mga patay, samtang nakahiagom og minor injury ang usa ka amasona kinsa Team leader sa Primera, GF55, SRC5, SMRC ug gitambalan karon sulod sa ospital sa Eastern Mindanao Command.
Padayong panawagan ni Mempin sa uban pang mga rebelde nga mobalik na sa sabakan sa gobyerno.
RadyoMaN Aimee Guinita
