Giingon ni Bunawan PNP Chief of Police Major Robel Saavedra nga ila nalang gipaabot ang resulta sa otopsiya aron masuta ang hinungdan sa kamatayon sa maong lalake sanglit walay nakitang samad sa dinunggaban ni pinusilan ang lawas sa maong patay.
Matud ni Saavedra, hangtud karon wala pa mailhi ang nasampit nga biktima kay walay nakuhang aydintipikasyon ang kapulisan gikan sa namatay.
Busa dili pa matukib sa mga imbistigador kon gipatay ba ug gilabay sa dapit ang lalake ug lakip na ang motibo.
Kahinumdoman, usa ka concern citizen ang nagtaho sa Bunawan PNP labot sa patay’ng lawas sa lalake hinungdan gimandaran ni Saavedra si Police Lieutenant Dante Espejon nga adtuan ang lugar aron konpirmahon ang birasidad sa impormasyon.
Ug pag-abot sa team ni Espejon nakita nga anaa na estado sa pagkadugta ang lawas sa minamatay nga lalake nga naa na karon sa punerarya.
RadyoMaN Joel Viray
