Davao City – Padayong ginaila sa kapulisan Toril ang identity sa lalaking nakaplagang nadugta na ang lawas niini niadtong Biyernes alas 12:30 sa udto Enero 5, 2024 sa Guardian St. Luisdeña Compound, Brgy.Lizada, Toril, Davao City.
Sa pakighinabi sa DXDC RMN Davao kang Police Captain Marlon Donquilab Station Commander sa Toril Police Station gibutyag niini, naglisud sila sa pag-ila sanglit anaa na sa state of decomposition ug gibana-banaang nag-edad og 55 ngadto sa 60-anyos.
Segun ni Donquilab, wala pay tagtungod nga nipatim-aw sa buhatan sa Toril Police Station, aron mo claim sa maong patay.
Dugang ni Donquilab, ang SOCO Team naglusad na usab og parallel investigation ug gidala na sa Rivera Funeral Home Panacan ning dakbayan sa Davao.
Subling nanawagan ang opisyal sa mga Dabawenyo, ilabi na kadtong mga pamilyang nawalaan sa ilang membro nga mamahimong mobisita sa Rivera Funeral Home Panacan, aron pag-ila kung ila ba kining paryente.
RadyoMaN Don Pulayao
Facebook Comments
