Davao City – Wala pa mailhi sa kapulisan sa Toril Police Station ang patay’ng lawas sa lalaking nakaplagan kagahapon alas 12:30 Biyernes Enero 5,2023 sa Guardian St. Luisdeña Compound Brgy. Lizada Toril Davao City.
Sa interview sa DXDC RMN Davao kang Police Captain Marlon Donquilab, Station Commander sa Toril Police Station gisulti niya, wala pay nipatim-aw sa Toril PNP nga kabanay sa maong lalaki nakit-an.
Segun ni Donquilab, nakit-an ang maong lalaki nga way sapnot rason nga lisud mailhan sanglit anaa na kini sa ‘state of decomposition’ ug gibana-banaang nag edad og 55 ngadto sa 60-anyos.
Gidugang sa opisyal, nagpahigayon na sab og parallel investigation ang SOCO Team.
Gidala na ang patay’ng lawas sa Rivera Funeral Home Panacan ning dakbayan.
“Kun kinsa tong nawad-an og kabanay pwede sila moadto sa Rivera Funeral Home Panacan para ma-check nila ang patay’ng lawas”, sulti ni Donguilab.
RadyoMaN Don Pulayao
Facebook Comments
