Napalgan ang usa ka patayng lawas sa batuhon nga bahin sa baybayon, didto sa Brgy. Banigan, lungsod sa Liloy.
Matod pa ni Wilson Sedelles, 68 anyos, samtang nagbaktas kini sa nahisgutan nga baybayon nakatimaho kini ug dili masingo nga baho ug didto iyang nakita ang usa ka wala nailang patayng lawas nga anaa sa tunga sa duha ka dagkong bato.
Dali usab kini nga ge kuha sa mga rescue team ug didto naila kini nga sila si Nicasio Sumalpong Pagat, hingkod ang pangidaron molupyo sa Malintuboan, lungsod sa Labason.
Matod pa ang nahisgutan nga biktima nagtrabaho kini sa Sunshine Fishing ug usa ka crew sa pangisdaan nga Pakpakan nga gipanag-iyahan ni Diosdado Atay Sapalleda, 54 anyos.
Ang nahisgutan nga pangisdaan nakasugat kini ug kusog nga balod nga miresulta na hinuon sa pagkalunod sa ilang Bangka.
Sa pagkakaron ang patayng lawas anaa na karon sa kustodiya sa iyang igsuon nga si Fernando Sumalpong Pagat nga taga dakbayan sa Dapitan.
