Patayng lawas sa misukol atol sa buy bust operation, planong ipa autopsy sa pamilya

Planong ipa-autopsy sa pamilya ang patayng lawas sa lalaki nga napusilan patay human matud pa misukol atol sa drug buy bust operation sa Zone 1, Santa Cruz, Tagoloan, Misamis Oriental mga ala 1:10 kaganinang kadlawon.

 

Matud ni SPO3 Guilermo CasiƱo, Jr. sa Tagoloan Municipal Police Station nga kini nailang si Rolando Jaramillo Daapong, 39 anyos, ug residente sa Casinglot, Tagoloan.

 

Si Daapong napalitan sa usa ka sachet nga dunay sulod gitoohang shabu gamit ang 500 pesos nga buy bust money ug pagkamalay niini nga police iyang ka transaction kalit kining mibunot sa iyang armas nga .38 revolver busa napusilan kini sa pulis.


 

Nakaangkon sa tulo ka samad pinusilan sa dughan ang suspect ug gilayong gidala sa St. Paul Hospital sa Tagoloan apan gideklarang dead on arrival.

 

Gibutyag usab ni SPO3 CasiƱo nga nakuha sa crime scene ang 38 revolver nga armas, usa ka cartridge nga dunay lima ka fired bullets ug usa live, plastic container nga dunay sulod unom ka sachet nga gituohang shabu.

 

Sa imbestigasyon sa kapulisan, nasayran nga naa sa drug list ang maong suspek kinsa daan nang dunay kasong robbery ug malicious mischief.

 

Samtang ang patayng lawas ni Daapong ang gipahiluna na sa Torillo Funeral Parlor sa Tagoloan, Misamis Oriental.

Facebook Comments