Nakit-an na mga alas 11 karong buntag ang patayng lawas sa usa ka lalaking nalumos sa suba niadtong Dominggo sa Taguanao, Barangay Indahag ning syudad.
Ang biktimang si Danilo Arabala nga taga Calaanan Relocation Site, Barangay Canitoan ang nakit-an na lamang naglutaw sa suba sa Tambo, Barangay Carmen.
Ang biktima giila pinaagi sa iyang mga higala nga midalikyat sa lugar ug lakip na niini ang kauban sa pagkaligo nga si Jacob Ordiniza, 19 anyos ug taga Berjaya, Barangay Camaman-an ning dakbayan.
Mahinumduman nga si Ordiniza mibisita sa Cogon Police Station niadtong Dominggo aron mareport ang pagkalumos sa biktima.
Facebook Comments
